【講開有段故】九龍「街」竟然係個「墟」?

早幾日阿史就講到中國政府同埋英國達成共識,決定清拆九龍城寨,九龍城寨嘅歷史同故事大家都應該聽唔少,唔知大家又有冇聽過九龍城寨龍津石橋附近有條「九龍街」呢?

呢個地方雖然後來成為「三不管」嘅罪惡溫床,但當時居民嘅生活仲係好值得大家去了解同研究。九龍城寨當年係一個自成一角嘅地方,區內唔少地方都未有完善嘅規劃。喺今時今日嘅東正道、賈炳達道、沙浦道一帶,曾經就有一條「九龍街」,雖然佢係叫做「街」,但實際上呢個係九龍半島當時好重要嘅商業區域,

呢條「街」早喺1873年就因為龍津石橋而開始得以發展,去到十九世紀初兩旁就有唔少商鋪、工匠聚集,但就因為冇得到官方認可,所以未有記載於官方文獻,只係去到後來《新安縣全圖》、《中國沿海入口徵稅圖》先有呢個地方出現。

「九龍街」位處海灣同埋平原之間,兩邊都有大量村落聚集,加上又係連接龍津碼頭,所以喺清代中葉係香港最興旺嘅市集,但去到20世紀初,隨住九廣鐵路落成同埋大埔公路、青山公路建成,貨物基本上唔再依靠龍津碼頭,九龍街 亦都繁華不再。

原圖嚟自網絡