由汀九橋、大欖隧道引道組成——青朗公路

繼續同史友們介紹下一啲香港基建，喺3號幹線末段同埋9號幹線中段，都由一條公路組成，而呢條公路又係由汀九橋、大欖隧道同元朗引道連接而成，名為青朗公路。

顧名思義，青朗公路就係連接住青衣以及元朗凹頭嘅一條公路，全條公路分成三線雙程行車，今時今日已經係新界西部相當重要嘅交通樞紐。青朗公路全長12.98公里，由青衣西北交匯處開始，成條公路分別由汀九橋、屯門公路、大欖隧道、元朗引道等等姐成，全長達到12.98公里。

青朗公路最大嘅作用就係分擔新界西前往港九市區車流量，而喺通車1998年果時，其實呢條路上嘅大欖隧道及元朗引道係被稱為「三號幹線郊野公園段」。講到呢條路得意嘅地方，莫過於都係喺路段，有全港第一條野生動物地下通道，等野生動物可以喺唔受公路交通影響之下橫跨公路底部，當時嚟講都真係一個幾創新嘅設計。