繼續同史友們介紹一啲香港早年好有影響力嘅人物,提起香港早年嘅名門,何東家族絕對係當中嘅數一數二。呢個喺1890年代興盛嘅家族,原來都真係人才輩出,今次阿史就同大家介紹下何東嘅二弟,有「華商五巨頭」之稱嘅何啟福。

何啟福,又叫做何福出生喺1863年,同樣都係荷蘭裔猶太人、設籍廣東寶安,幼年由母親施娣獨力撫養,所以亦都喺呢個時候以中國人身份自居。佢喺1879年由中央書院畢業,孫中山、康有為同埋蔣介石都係佢朋友。據講,佢仲曾經資助孫中山先生推翻滿清嘅革命活動,喺後來軍閥割據嘅時候佢亦都出力想幾方面和睦共處。

早年就留喺香港擔任助教,去到1885年就加入Dennys and Mossop 律師行做翻譯員。何啟福去到1885年,佢就加入九龍倉做買辦,亦都去過沙宣洋行工作,做過定例局議員。喺商場之上,佢仲係當時華商五巨頭之一。喺何東1900年引退之後,何啟福就接任怡和買辦之位,做咗呢間洋行嘅華總經理。所以就有人話,當年只係何東名氣太盛,令到細佬何啟福睇落好似有啲黯淡。

原圖嚟自網絡