香港首個設有隔音窗公營房屋——景泰苑

繼續同史友們介紹香港一啲特色嘅公營房屋，上次就同大家講到駐港英軍彩虹軍營嘅前身采頤花園，而喺呢個屋苑附近，其實就有一個綠表置居先導計劃試點，呢個就係景泰苑。

景泰苑前身係房屋署新蒲崗工廠大廈第五及六座，之所以叫做景泰苑都係因為附近有條景泰街。而講呢個屋苑冇乜人留意到嘅特點，自然就係喺窗果度。由於屋苑面向太子道東嘅單位可能會有唔少嘈音，所以喺興建當時就裝設雙層玻璃窗以減低嘈音，呢個舉動亦都令到呢度成為香港首個設有隔音窗嘅屋苑。

如果有史友們去過呢個屋苑附近，應該都會發現到其雖然係叫做景泰苑，但實際上只係一座樓高32層單幢式樓宇。呢個屋苑喺2017年6月底落成，當時建成咗857個單位並且以市價6折發售，按當時時價嚟講就係呎價平均5,658元。由於位置理想、呎價平等等因素，喺開售嘅頭幾日就已經賣出咗 249個單位，真係搶手啊！