【當年今日】四人幫被公開宣判

喺1981年嘅當年今日,對近代中國歷史嚟講都係好重要嘅一日,事關「四人幫」就喺呢一日正式被公開宣判。

所謂嘅「四人幫」就係一個喺1966年至1976年形成嘅政治集團,又被稱為「王張江姚反黨集團」,事關組成嘅呢四個人分別就係王洪文、張春橋、江青和姚文元,佢哋四人係响文革期間被視為毛澤東貫徹文革政治思想嘅主要推手。而去到毛澤東死後,佢哋四人都已經位高權重,係中共中央政治局常委。

之不過,喺1976年10月6日,國務院總理華國鋒、時任中共中央軍委副主席兼秘書長葉劍英以及國務院副總理李先念等人聯手逮捕「四人幫」,結束咗文化大革命。

對於四人幫嘅審判,1980年11月20日就係第一次開庭,去到 1981年1月25日上午宣判,認定四人均為林彪、江青反革命集團成員,並判處了相應的刑罰,江青、張春橋被判處死刑;王洪文被判處無期徒刑、姚文元被判處有期徒刑二十年;至於其他人等就被判處有期徒刑十六至十八年。

原圖嚟自網絡