喺九龍城馬頭涌一帶,有住唔少好特別嘅街道,其中一條就叫做「北帝街」。就咁聽個名都知,呢條街道係同北帝有關,事關喺附近就有一座鶴園角北帝廟,於是就直頭用北帝命名。唔講唔知,呢條街以前仲有一啲特別嘅經歷,今次阿史就同大家介紹下啦!

呢條連接住宋皇臺道、馬頭圍道、馬頭涌道嘅街道,其實以前係影城嚟架!喺1930年代嘅時候,由於爆發淞滬抗戰,唔少上海電影公司都選擇嚟到香港,甚至仲喺香港拍攝一啲抗戰電影,於是當時香港影業係得到發展。

同樣都係30年代,「邵氏兄弟」旗下嘅「南洋片場」天一港廠正正就係位於北帝街,當時唔少香港影視作品都係喺呢個地方取景,就好似有《英雄本色》、《新不了情》、《重慶森林》等等,唔知史友們又認唔認得呢?而後來亦都有唔少公司好似全球影片、四達影業、世界影片、大觀影片先後進駐。而去到2008年,市區重建局開始馬頭角北帝街嘅收購工作,並且發展成單幢式住宅物業。

原圖嚟自網絡