之前阿史介紹過太子港鐵站以前長期有陣臭味，好多史友都留言話身同感受。講臭味就好似好負面，今次阿史就講下一個好香嘅港鐵站。

有港鐵站好香咁神奇？係呀，呢個站就係港島線嘅柴灣站。阿史細個個陣有段時間响柴灣活動，所以都會搭地鐵去呢個地方，而去到尾站時就成日會聞到陣食物嘅香味。點解會咁呢？其實呢陣香味係嚟自附近一間賣家鄉雞嘅快餐店。由於柴灣站係一個半開放車站，月台同車站大堂都唔係起响地底，所以快餐店嘅炸雞油煙味就飄到去月台，真係一落車就想去幫襯下。另外，以前柴灣站下好多熟食小販，啲熟食香氣亦會飄到上車站大堂同月台，諗返起都真係幾正。

原圖：網絡