相信大家睇親啲古裝電視劇或者電影嘅時候，經常都會聽到啲帝皇話自己後宮佳麗有三千，特別係白居易就曾經喺《長恨歌》描述過楊玉環「後宮佳麗三千人，三千寵愛在一身」。呢個問題阿史都諗咗好耐，到底三千呢個數目係真定係假呢？阿史今次就同大家介紹下啦！

就咁由字面意思理解，《長恨歌》入面所指嘅「三千佳麗」當然只係一個寬泛概念，當中所指嘅「佳麗」並唔單單係妃嬪，仲有唔少宮女。喺漢初，其實宮中宮女人數不過數百，但轉眼間去東漢桓帝果陣，宮中單單係宮女就已經去到接近六千人；到咗晉朝，晉武帝司馬炎甚至仲廣選後宮佳麗，呢個時候後宮就真係有五千佳麗喇；去到唐朝嘅時候，唐玄宗後宮其實遠出三千佳麗，計埋宮女同埋其他妃嬪，《舊唐書》入面就記載有超過四萬人，認真誇張！咁所以，「後宮佳麗三千」就好視乎當代君王係點樣喇！

原圖嚟自網絡