廣東GDP超「四小龍」 鄧公願景達成

早兩日睇網上報道，話廣東GDP達11萬億元人民幣，折合美元為16,058億美元，超越咗亞洲四小龍中經濟總量最大嘅南韓。呢段經濟新聞就勾起唔少人對已故國家領導人鄧小平嘅回憶，以及佢嘅一番話。

已故國家領導人鄧小平响1992年南巡，為中國繼續改革開放之路打下強心針，當時鄧公响南巡期間就咁講：「廣東要繼續發揮改革開放的龍頭作用，爭取用20年時間趕上亞洲四小龍。」佢更加要求廣東趕上亞洲四小龍時，唔單止經濟要上去，社會秩序、社會風氣都要搞好，兩個文明建設都要超過四小龍。

結果，廣東經濟總量响1998年超過新加坡、2003年超過香港、2007年超過台灣、2014年廣東GDP總量高於新加坡、香港同台灣三地嘅總和，到2020年更成功超越南韓。