近排流水響落羽松盛開，引嚟唔少港人前往觀賞，而其實喺呢個水塘附近，就有一座好特別嘅歷史建築，阿史今次就同大家介紹下啦！

心水清嘅史友應該都知阿史其實係想介紹位於新界粉嶺軍地嘅皇后山軍營印度廟。呢座喺1960年代興建嘅廟宇，位處皇后山軍營上嘅一個小山頂，鄰近就好多棵榕樹包圍。呢所印度廟係由當年尼泊爾踞喀兵建造，有到訪過嘅史友應該都會留意到，廟宇整體係一座灰綠色六角形建築物，建築頂部就設有6個尖頂，整體就係由12個三角形砌成，成個形狀就係象徵返印度教視為美麗同埋神聖嘅蓮花，呢個設計亦都係全港獨一無二架！

而行到入內部，大家都會發現到建築物六面大部分都設有門戶同埋小窗，寧寧舍舍就有一個角係專門設有神壇供崇拜用途。如果史友們仲未去過呢座為三級歷史建築，阿史就真係推介大家去睇一睇喇！

原圖嚟自網絡