上次介紹完牛頭馬面嘅由來同職務,今次阿史就想介紹埋佢哋响地府嘅同工黑白無常。雖然佢哋幾位大人都好出名,係人都識,但史友們知唔知牛頭馬面同黑白無常响職能上有乜分別呢?

之前都講過牛頭馬頭係鬼差,不過佢兩位大人其實就唔會响人間到執行任務。按民間傳統宗教講法,人死咗之後成為鬼魂,而將鬼魂從人間帶去陰間嘅就係黑白無常。其實黑白無常又係源於佛教,佛教的三法印之一就有「諸行無常」。後嚟呢個概念傳入中土,就轉化為「無常大鬼」,專門負責勾魂同帶領鬼魂去陰間。去到陰間鬼門關,黑白無常就會响鬼門關將鬼魂交俾牛頭馬面兩位鬼卒,之後佢哋就會將鬼魂送上黃泉路,帶到去閻王之後再發往去投胎。

不過咁,呢個只係其中一個對牛頭馬面黑白無常職務嘅講法,唔知史友們又聽過乜嘢其他版本呢?不妨留言分享一下。

原圖:網絡