近期唔少香港政客紛紛賣樓套現，似乎睇淡前景。新近就有大狀黨前女議員賣咗樓，豪宅低市價一成沽咗，有個建制議員就响網上講咗句：「阿婆走得快，一定有古怪」。

「阿婆走得快，一定有古怪」呢句話係相信唔少人都識，其實呢句說話本來係無乜典故，咁箇中有乜玄機呢？响唔少人認知，阿婆即老婦人活動能力差，動作同行動都慢。所以，如果有啲嘢令阿婆突然行得好快，咁一定係有啲好特別原因，呢個就係「有古怪」嘅意思。另外，坊間一直有一種偏見歧視，就係覺得婦人通常都貪少便宜，所以阿婆察覺有乜風吹草動有著數，就會快快趣行動，呢個亦係「阿婆走得快一定有古怪」另一個講法。

原圖：網絡