尋日就同史友們介紹咗以前嘅洗衣街真係一條小水溪,並且因為呢條溪流令到附近興起過接洗衣服嘅生意,所以先至叫做「洗衣街」。咁同樣道理去諗,西洋菜街以前又係咪用嚟種西洋菜呢?

呢條位於油尖旺區嘅著名街道,喺1920年代實際上就係位於旺角芒角村嘅一條拓展道路。心水清嘅史友應該都會留意到,阿史喺介紹「洗衣街」嘅時候,就有講到呢條水溪嘅水以前係用嚟灌溉田地,咁啲田地到底喺邊度呢?答案就係今日西菜街呢一帶喇!以前嘅呢一個範圍,真係一片片嘅西洋菜田地,唔少居民都有種菜為生。

之但係,隨住旺角區嘅發展,唔少田地就已經消失,慢慢仲發展成高樓大廈,而呢片消失嘅田地後來就以「西洋菜街」命名。而去到80年代,都市化嘅發展急劇,甚至將西洋菜街一分為二,分成西洋菜南街同埋西洋菜北街。

原圖嚟自網絡