之前阿史介紹香港公園嘅英軍士兵銅像時，有史友就留言話研究點解唔擺毛主席銅像。其實响神州大地之上，仲有唔少地方有毛澤東像，不過今次介紹就係一河之隔嘅深圳，有一個鄧小平銅像。

呢個鄧小平像係位於深圳蓮花山主峰山頂嘅山頂廣場，呢個深圳市政府响2000年建立，目的係為咗紀念鄧小平對深圳發展做出嘅貢獻。眾所周知鄧小平响上世紀八十年代主政時提出改革開放，仲將深圳劃為經濟特區。到咗1992年，鄧小平南巡，再一次肯定國家改革開放政策會不斷向前發展。現任國家主席習近平响2020年南巡廣東時，亦有到深圳蓮花山公園，向鄧小平銅像敬獻花籃，表達對鄧小平崇高敬意同深切緬懷。

蓮花山鄧小平像有一個特別之處，就係面對正南方深圳市中心同香港新界。廣場北部的入口亦有鄧公响1984年南巡响深圳嘅題詞：「深圳的發展和經驗證明，我們建立經濟特區的政策是正確的。」

原圖：網絡