賽馬事業响香港有成過百年歷史,唔少香港人都成日去各區投注站「進貢」或「提款」。香港賽馬事業發達就係人都知,咁史友們又知唔知原來馬會賽馬事業都向北發展呢?

講緊唔係香港賽馬會北上開賭,而係將訓練馬匹嘅馬場,呢個馬場係响廣州北部嘅從化。其實近廿年馬會不斷搵新地方,用嚟增建設施以輔助沙田馬場嘅馬匹訓練。最終馬會就响2009年同當地政府達成協議,响廣州2010年亞運會結束後,將馬術項目場地建造新嘅馬匹訓練場地,而從化馬場就响2018年啟用。據規定,每名香港賽馬會練馬師規定必須放置最少10匹賽駒响從化馬場。

至於運輸方面,馬匹响從化運到香港,就需要四個鐘頭,所有响從化馬廄嘅賽駒如果去香港出賽,就必須於賽前一天抵達香港。照咁睇,依家連啲馬仔都要兩地走嚟走去喎!

原圖:網絡