由細到大，無論係屋企教定係學校教，相信大家都會知道年廿八就要洗邋遢，年三十就係食團年飯嘅日子，咁年廿九其實又應該做啲咩呢？

心水清嘅史友應該都知道，年廿八其實唔單止係要用碌柚葉沖涼，仲係全屋大掃除嘅日子，所以喺大掃除之後，年廿九最好就係要貼揮春，傳統嚟講就係「迎春接福」嘅意思。而講到貼揮春，其實都有啲講究架，最好就係揀陽氣最盛嘅時間點，即係早上6點到中午12點呢段時間，要先將舊嘅揮春撕落嚟撕爛，先至再貼上新嘅揮春，咁就做好「迎春接福」嘅準備喇！

原圖嚟自網絡