「英皇道」係紀念邊位英皇？

早幾日就同史友們介紹完太子道、皇后大道，咁自然就要同大家介紹埋同一系列嘅「英皇道」啦！

呢條位於港島東區嘅主要幹道，全長4.2公里，由天后開始一路經北角連接到筲箕灣西部，咁到底點解會起呢條道路，又點解以「英皇道」命名呢？早喺1840年代，當時政府就已經想沿住海岸線興建一條連接銅鑼灣到筲箕灣嘅道路，電氣道以東嘅一段就係其中一部分，亦都係「英皇道」嘅前身。

時間去到1880年代，當時太古公司就想開發鰂魚涌工業區，開發工業區就需要有一條較闊嘅道路，於是就將呢條路擴闊並且命名為「筲箕灣道」，呢個時候都仲未係「英皇道」。而去到1934年，輔政司修頓建議開拓一條100呎新路，道路就喺1935年6月建成，當年咁岩就係國王喬治五世銀禧大典，所以直頭就用「英皇道」命名。