去過廣州嘅史友，都應該會搭過市內嘅地鐵，廣州其實係內地最早一批有地鐵系統嘅城市，由最初得一條綫運營，到今日東南西北伸延到市中心以外好遠嘅地方，為市區同周邊帶嚟好大嘅協同效應。

响上世紀八十年代初，廣州市政府就開始有興建地鐵嘅規劃，當時係有兩個背景：一個係背景係廣東成為改革開放嘅領頭地區，現代化建設都會為市政府考量。另一個背景係香港地鐵响七十年代末出現，而當時香港就係全中國現代化嘅模仿對象，廣州地鐵就响呢個背景之下出現。後嚟經國務院批准，1993年廣州地鐵開始興建，响1997年，廣州市第一條地鐵綫正常投入服務。

相信史友們都知道廣州地鐵出現係為咗完善市內交通系統，咁大家又知唔知佢仲有另一功能呢？就係「人防」喇！所謂「人防」就係「人民防空」，最簡單嘅理解就係設於地下嘅避難場地，例如俾市民防避空襲。所以廣州地鐵綫係市內一個重要嘅防空設施，係咪估唔到呢？

原圖：網絡