年廿九貼完揮春之後,就嚟到食團年飯嘅日子,亦都係年三十。雖然每年年尾一家人團團圓圓食餐飯都係例牌動作,之但係唔知史友們有冇留意到,其實年三十唔係年年都有架,到底點解會咁呢?

「年三十」其實係中國人相當重視嘅一個日子,之但係原來古代曆法上為咗解決一個現象,就令到「年三十」唔係年年都有!呢個現象就係地球公轉所產生嘅誤差,喺西曆入面就會出現「4年1閏」嘅2月29日嚟解決呢個差異,咁中國農曆又會點做呢?

中國農曆嘅月分大細,其實係根據月亮嘅盈虧圓缺變化周期而定,為咗保證初一一定是「朔日」,即係新月,所以每年未必一定出現「年三十」,事關一個朔月就只係得29.53天,所以有時農曆月份只會出現29日嘅小月,亦都會有30日嘅大月。而喺未來嘅日子,2025年至2029年其實會連續5年都冇「年三十」出現,所以大家真係要好好珍惜啊!

原圖嚟自網絡