「新正頭」，香港人就特別希望得到財神呢位神仙關照關照，正財橫財乜都好，最緊要財運亨通。响中國傳統文化當中，對於邊位歷史人物係財神就有好多講法，其中一位就係國士無雙嘅韓信。

韓信係漢初三傑之一，漢高祖劉邦手下嘅大將，幫佢打敗項羽一統天下。咁呢位軍事奇才後人點解話佢係財神呢？據傳佢為咗令士兵行軍無咁悶，於是就以各式各樣既賭博嚟安定軍心。甚至有講法話麻將同象棋都係佢發明（呢個就係不可考喇！）。咁多賭博玩意，所以唔少好賭之徒就奉佢為「偏財神」。

話時話，打日本牌個陣十三么就叫做「國士無雙」，唔通又同韓信有關？

原圖：網絡