旺角以前有醬園？

今時今日要行街睇戲食飯，相信唔少港人都會選擇去旺角，事關呢個地方真係應有盡有，極其方便。如果時光倒流幾十年，唔知史友們又估唔估到旺角呢個地方有啲咩呢？

早幾日阿史就同大家介紹過旺角喺上世紀就有一條專門洗衫用嘅水溪，亦都有種植西洋菜嘅土地，除此之外仲有大家都未必估到嘅醬園啊！阿史所講嘅醬園其實就喺今時今日豉油街嘅位置，以前呢個地方就係以生產醬油為主，亦即係豉油，所以成條街就被稱為豉油街。之但係去到上世紀20年代，由於水溪滋生蚊蟲，而且旺角人口亦都急增，令到呢個地方地價激增，醬園亦都被逼陸續遷出。

雖然係咁，時至今日仍然有唔少醬園都返到豉油街一帶開設門市，售賣本地製作嘅豉油。