瑞獸貔貅到底係邊種動物？

响新春期間，唔少中國人都鍾意添置啲風水擺設，以催吉避兇，貔貅更係唔少人喜愛之物。從古至今貔貅都被為瑞獸，咁到底貔貅其實係乜嘢動物？

相信史友們都聽過，貔貅响傳說神獸，呢隻神獸厲害喇！龍首獸身，又有順風耳千里眼，最緊要係有富貴肚同守財尾，因為貔貅貪食又無肛，所以就有入無出。亦因為咁，所以從古至今中國人都將貔貅作為納財神獸供奉，亦視其為瑞獸。

當然！一睇就知貔貅其實係傳說之物，世上就根本無呢種生物。之但係，响古代又真係有「貔貅」呢種動物存在。《史記·五帝本紀》就有載：「教熊羆貔貅貙虎，以與炎帝戰於阪泉之野。」即係黃帝軍隊訓練猛獸，包括咗熊、羆、貔、貅、貙、虎。咁似乎貔同貅最初係唔同嘅生物。對於貔同貅係乜，其實都係眾說紛紜，有話係似虎嘅動物，又有話係似豹嘅動物，話係白狐又有，甚至有講法係熊貓或貍貓。