埃及係世上其中一個歷史相當悠久嘅古國，自然就有唔少歷史文物因為城市發展而出土，而近日就有一個早喺2018年出土嘅古老石棺「開箱」，結果就引嚟廣大嘅市民發起一個要求喎！

阿史所講嘅其實就係當地考古隊喺2018年喺亞歷山大港發現嘅一個至少有二千年歷史嘅石棺，成個石棺高2公尺、長3公尺，但重量就去到30噸。考古團隊打開呢個石棺果陣，並冇發現到任何金銀衣飾、亦都冇陪葬品，只係見到3具人骨。咁問題嚟喇，就係點解得3具人骨都會引嚟市民咁樣關注？

原來當考古團隊打開石棺果陣，石棺入面就帶有濃稠紅色液體，呢個發現連考古團隊都覺得驚訝，因為石棺所在嘅位置係5分尺之下嘅地底，而且周圍土壤都相當乾燥，早期要有咁多液體喺入面近乎唔可能，只有石棺防水工程失效再加上長年累月嘅浸泡，先至會出現呢啲紅色液體。

而當呢啲紅色液體曝光之後，當地民眾驚都未驚過，仲網上發起聯署，希望政府可以畀佢哋試飲呢啲千年屍水，但政府就一口拒絕，仲表示呢啲屍水入面可能會有古老真菌感染，最後賠上性命咁話。

原圖嚟自網絡