由於疫情嘅關係，今年大部分香港人都冇辦法去到旅行，對阿史嚟講去唔到第二啲地方旅行參觀當地博物館，都真係有啲唔慣。雖然同睇實物始終都有啲分別，但近排北京故宮就舉行咗網上展，等大家可以居家欣賞186萬件藏品，

望梅止渴一下啦！

呢次北京故宮就趁住農曆新年，推出咗一個全新版本嘅「故宮博物院藏品總目」，呢個新版本就令到大家可以實時檢索院藏文物目錄，入面顯示就有藏品有1,863,404件，分成25種大類目就好似繪畫、碑帖、銅器、金銀器、琺瑯器、雕塑、陶瓷、織繡等等，都真係相當齊全。

咁具體嚟講又有啲咩文物值得大家留意呢？阿史就特別推介大家去睇下北京故宮博物院龍袍藏品，由乾隆年間嘅明黃色綢繡彩雲蝠金龍紋龍袍、再去到嘉慶年間嘅明黃色緞繡雲蝠八仙金龍紋龍袍，真係件件精品！除此之外，帝后璽當中亦都有被稱為碧玉交龍紐「古稀天子之寶」、「討罪安民之寶」同埋「表彰經史之寶」等等，真係可以好清晰睇晒所有細節

如果史友們有興趣，不訪去下面嘅鏈結睇一睇啦！

https://zm-digicol.dpm.org.cn/