記得細個個陣,阿史屋企個雪櫃總有樽麥芽糖,白色一個肥嘟嘟嘅膠兜加上橙或紅色嘅蓋。無錯喇!就係麥芽糖。呢款東莞石龍鎮嘅特產,原來可能史友們都俾佢呃咗好多年。

麥芽糖又點呃人呢?答案就係,石龍出產嘅麥芽糖,根本唔係麥芽製品,其實石龍麥芽糖主要原料是糯米。相信史友們都知道,珠江三角洲一直都係漁米之鄉,好山好水,農作河鮮海鮮特別多,由於東莞糯米品質優良,所以當地人就用糯米製作麥芽糖喇!

麥芽糖又唔貴品質又好,所以啲人除咗用嚟送藥之外,仲會將麥芽糖運用於烹調之上。最出名就莫過於廣東燒味,好似叉燒咁响差唔多燒熟個陣加一層麥芽糖上去,就變得又甜又香。所以話,廣東美食真係無得頂!

原圖:網絡