初七人日有咩習俗？

今日係初七人日，喺古代中國神話入面，自盤古開天辟地後，女媧就喺初一開次依照住雞、狗、豕（豬）、羊、牛、馬等次序造出各種動物，而嚟到初七呢一日，就係創造人嘅日子，所以呢一日亦都被視為係人類生日。咁有個問題相信大家都會諗起，就起人日到底會有咩習俗呢？

其實早喺漢朝開始就有人日嘅習俗，去到魏晉年間就有更大嘅發展。喺古代，古人喺人日當日就會配戴住一種叫做人勝嘅頭飾，即係「剪彩為花、剪彩為人」，亦都會有人登高賦詩。

而呢一日具體要做啲咩，就咁講飲食嘅話由於南北地區差異，呢一日江南一帶嘅人就會食「七寶羮」、南方人就會食「撈魚生」、北方人就食麵條、廣東亦都會食「及第粥」。普遍嚟講，大家喺人日都會和和氣氣，互相尊敬，凡係出遠門開工，都會過咗人日先起行。