早幾日阿史就同大家講到，睇新聞果陣見到埃及考古隊近排就開箱咗一個有「人骨紅湯」嘅千年石棺，當地民眾見到之後仲發起網上聯署要求試飲，認真誇張！而講到飲野，近日埃及又有一啲重大發現同飲野有關，呢一樣發現就係五千年前嘅啤酒廠喇！

據日前埃及考古學家公布，喺埃及南部古城阿拜多斯一個古老嘅墓地，就發現咗一個可以追溯到3000年前納爾邁王朝嘅酒廠。納爾邁喺古埃有住非凡嘅地位，他係古埃及第一王朝首位法老，更加一統上、下埃及，所以地位真係唔簡單。

喺呢個遺址入面，有接近40個鍋，估計係用嚟加熱穀物同埋水。據埃及最高古物理事會估計，呢個遺址嘅酒廠應該係用於祭祀又或者埃及王室慶典，而且每次可以生產到2.2萬升酒。雖然呢個唔一定係世上最古老嘅酒廠，但按目前發現睇嚟，就好有可能係「最大規模嘅造酒廠」。

原圖嚟自網絡