呢排成日都同大家介紹世界各地嘅考古發現，除咗早兩日講到嘅埃及，其實中國嘅西安喺過年期間都有啲驚人發現，就係一個巨大嘅古墓群啊！

話說喺過年期間西安咸陽機場就繼續加班進行擴建工程，但點知喺工程期間就發現到有與類古代文化遺址接近4,600座，而當中有3,500座都係古墓葬嚟嘅，呢個龐大嘅數字令到考古研究院即時成立一個「考古研究院空港新城考古研究基地」小組，近千人喺新年就進行考古發掘，只係呢個數量都係太驚人，一時之間都冇辦法可以完成到。

呢件事大家睇落好似好新奇，但唔少西安網友就表示「這就是西安的日常」、「地上沒開盤、地下卻注滿」、「考古與施工都是同一批人」等等，而按返上年陝西成年嘅考古發掘數據嚟睇，上年發掘古墓葬3956座、古遺跡10.58萬平方公尺，可想而知呢次嘅發現有幾誇張！

原圖嚟自網絡