如果問到大家最有興趣知道嘅古人面貌，相信秦始皇絕對會榜上有名。隨住現代科技發展，AI技術亦都越來越發達，近年嚟都有唔少專家作出嘗試去還原古人嘅臉孔，而近排就有人用AI還原秦始皇個樣！

喺唔少史書入面嘅描述，都係認為秦始皇係一個儀表堂堂、高高大大嘅男子，生得一副帝皇之相，而且身高仲去到198公分，甚至仲有「虎口，日角，大目，隆準」等等嘅描述。咁到底呢啲特點全部還原晒出嚟會係咩樣呢？答案就係圖入面咁嘅樣喇！唔少網友睇完之後都直言係有啲「不忍直視」，唔知史友們又有咩感覺呢？

雖然話就話係用AI技術還原出嚟，但呢幅畫像都仲未可以作準，事關現世唔少同秦始皇有關嘅畫作，都係根據《歷代帝王圖》推敲，再加上秦始皇陵至今仍未挖掘，秦始皇嘅真實面貌仲有好多想像空間架！

原圖嚟自網絡