太和邨十二幢大廈命名原來好有意頭？

過往同唔少史友介紹過一啲命名比較有特色嘅公共屋邨，而今次要介紹嘅太和邨唔單止係香港首條廣泛應用預製組件技術興建嘅公共屋邨，就連屋邨個命名都相當特別架！

太和邨位於新界大埔頭，早喺1985年就開始動工，由於係廣泛用到預製組件興建，所以歷時四年左右就已經可以入伙。太和邨原本係有十二幢大廈，只係後來第二期同埋第二期嘅大廈就被劃為寶雅苑，並且喺居者有其屋計劃當中出售。太和邨雖然大大隻字寫住係「太和」，但呢度嘅「太和」並唔係解做所在地地名，而係指緊以前林村河南岸嘅「太和市」。

講咁耐，到底太和邨原先十二幢大廈命名有咩特色呢？呢十二幢大廈都係以「和」為排，並且每座大廈讀起嚟都有次序，依次就係喜和樓、愛和樓、新和樓、居和樓、翠和樓、麗和樓、雅和樓、緻和樓、安和樓、福和樓、永和樓及亨和樓，全部揀第一隻字嚟讀就係「喜愛新居，翠麗雅緻，安福永亨」，聽落都覺得好意頭啊！