日前北京圓明園管理處就喺正覺寺最上樓舉辦場一場老照片發布會，但呢一場並唔係普通嘅相展，而係一次過展出咗圓明園嘅舊照，當中唔少相片都係第一次公布，甚至相入面仲有一啲文物甚少有學術紀錄，阿史今次就同大家介紹下啦！

自1860年圓明園被英法聯軍焚毀，呢個地方就成為一片廢墟，唔少文物建築喺冇被完全紀錄之下就已經消失，相當可惜！圓明園被毀前固然有啲舊照，而喺知道圓明園被毀後，其實世界各地都有唔少攝影師帶埋當時最先進嘅設備嚟到中國進行拍攝，就好似德國人奧爾末、法國人謝滿祿，甚至仲有香港攝影師賴阿芳。而呢一次嘅展覽，就係由世界各地收集300幾張罕見舊照進行展出喇！

咁到底有咩睇呢？圓明園正覺寺最知名嘅文殊菩薩全身像以往就冇留低過圖像資料，研究人員同遊客都唔知道佢嘅廬山真面目，但呢一次就有一幅文殊菩薩全身像，拍攝位置正正就係東年正覺寺文殊亭，文殊菩薩像同埋背光都係木質包金，底座仲係漢白玉石台，相當珍貴亦都補充咗文獻上嘅空白。

唔單止咁，法國人謝滿祿拍攝嘅相入面，仲可以見到圓明園木構建築未完全摧毀前，括圓明園順木天、北遠山村、魚躍鳶飛、舍衛城、濂溪樂處、匯芳書院等等嘅建築群外形，真係相當難得！

原圖嚟自網絡