今時今日，香港嘅產業都係以金融、物流、航運、旅遊等為主，而工業响香港可以話係息微已久。其實，過往香港嘅輕工業就為香港經濟打下良好基礎，當中就包括塑膠業。

香港塑膠業响二戰後開始興起，當時好多內地工業家帶同資金同技術嚟咗香港定居，當中部分人就响香港開設塑膠廠。以往嘅塑膠廠，唔少規模都好細，係响工業大廈好細嘅單位度做工場，呢啲就叫做山寨廠。亦有啲較大型嘅塑膠廠，就專接外國訂單，做大生意，慢慢香港塑膠產品亦响國際出咗名。當時塑膠產品好可以相當多元化，除咗日用品外，仲有玩具、塑膠花等，而香港玩具業响六七十年代興起，同香港塑膠業發達都有好大關係，而塑膠業發達亦吸引咗部分外國玩具廠嚟香港搵塑膠大廠做代工。不過，隨住內地改革開放，好多廠商選擇將工廠北移，香港塑膠業响八十年代開始走下坡，九十年代就轉向息微。

而响香港唔少富豪同企業家，都係靠塑膠業起家，史友們又知道幾多個呢？

原圖：網絡