早年中央電視台就有集電視劇叫做《台灣首任巡撫劉銘傳》，顧名思義係根據劉銘傳生平事跡改編，由劉銘傳喺1884年中法戰爭去到台灣督辦軍務、再去1896年病逝呢段經歷，咁到底劉銘傳一生到底有幾傳奇呢？阿史今次就同大家介紹下啦！

劉銘傳出生喺1836年嘅安徽合肥，年幼嘅時候就因為李鴻章喺家鄉合肥招募淮軍，劉銘傳就喺呢個時候加入組成「銘軍」對抗太平天國，開啟佢嘅軍旅生涯，而當時劉銘傳就係「銘字營」營官，並且喺戰爭當中連戰連捷。去到1860年代，年僅28歲嘅佢就已經係淮軍將領中任軍職最高嘅人。

劉銘傳一生並唔係咁一帆風順，有一段時間就因為頭傷後遺症復發而錯過保薦，更加因為推薦錯人而被革職處分。之但係去到1884年8月4日，中法戰爭爆發，劉銘傳臨危受命以福建巡撫身分督辦臺灣軍務，並且喺嘅臺灣地區率軍擊退法軍，仲被任命為臺灣建省後首任巡撫。

軍事方面當然係劉銘傳專長，但佢對當時中國嘅貢獻當然唔止咁少，佢仲促進咗唔少現代化嘅建設。喺佢成為臺灣首任巡撫之後，唔單止喺當地推行土蕃漢化教育、增設郡縣、發展基隆、臺北鐵路、設立「電報學堂」等。佢喺呢段時間意識到臺灣孤懸于海外，同當時清政府聯繫唔夠緊密，於是就決定一改現狀，喺設立「電報學堂」培養人才之後，就喺1887年鋪設咗一條由台灣淡水至福州川石長達22萬銀元嘅海底電纜，並且喺同年10月投入使用，大大促進咗當時中國現代化嘅進程。

原圖嚟自網絡