公共屋邨清拆變豪宅

今時今日嘅何文田，漸漸成為豪宅區，士紳化之下社區愈嚟愈富貴。其實，响以往呢個地方都有公共屋邨，叫做山谷道邨。

山谷道邨所在地老龍坑山谷，曾經係木屋區，响1961年發生咗一場大火，當時政府就响原地興建公共屋邨，成為香港早期嘅公共屋邨之一。呢條邨响1964年落成，最初有一個好特別嘅名，叫山谷道政府廉租屋邨，以往公屋係被叫做廉租屋，因為租金夠平。响1973年，呢條邨就由新成立嘅香港房屋委員會管理，仲改名為山谷道邨。

响2001年開始，呢條邨共有17座嘅公共屋邨開始清拆，屋邨部分位置就成為咗百億元地王豪宅項目，何文田亦成為富貴住宅區。由木屋區到百億地王豪宅，香港真係一個神奇嘅地方。