廣東係改革開放初期重要嘅經濟引擎，起到全國風向標作用。可能好多人都覺得鄧小平好關心廣東嘅發展，其實唔止廣東，鄧小平對內地另一個地方一直都好關注。

乜嘢地方受到鄧公關注呢？就係上海喇！原來响改革開放開始後，鄧小平經常响外地過年，其中响佢有成七次响上海過年。點解佢咁關心上海呢？因為响八十年代末九十年代初，改革開放遇到國內外各種唔同嘅挑戰，而响當時上海決定建造一個經濟新區，目標係成為全國以至國際嘅商業金融經濟中心，呢個地方就係後嚟嘅浦東新區。就係因為上海肩負呢個任務，所以鄧小平對上海相當重視。當然！今時今日上海唔單止係全國經濟中心，仲係國際級大都市，鄧公生前咁着緊證明佢真係有眼光。

原圖：網絡