阿史最近搵緊關於舊式公共屋邨嘅資料，發現好多公共屋邨早就拆咗再重建。不過咁，對於香港第一條廉租屋邨就似乎有幾種唔同講法，上李屋邨被稱為第一條廉租屋邨就係其中之一。

上李屋邨係一條原本位於深水埗嘅出租屋邨，係香港房屋協會首個出租屋邨，為低收入家庭提供廉租房屋，亦係全港首兩個公共出租屋邨試驗項目之一。上李屋邨第一期一共有四幢樓宇，响1952年落成，比起石硤尾徙置區更早落成。呢條屋邨响當時嚟講可以話創咗唔少先河，其中最特別就係每戶都提供獨立廚房同廁所，就算之後無幾耐出現嘅徙置屋邨都無咁配套。

而呢條咁具歷史意義嘅廉租屋邨，响1990年清拆，1995年重建為現時嘅「住宅發售計劃」屋苑樂年花園

原圖：hkhs.com