早幾日就同史友們講到前九龍消防局嘅歷史，今時今日呢座歷史建築就已經活化成1881 Heritage嘅其中一個部分。唔知史友們每次行過呢座建築，又會唔會有一個問題，就係明明1884建成嘅水警總區總部，點解會叫做「1881」?阿史今次就同大家討論下啦！

1881位於九龍油尖旺區尖沙咀廣東道2號A， 1884-1996年期間為水警總區總部，而如果要認真追溯，其實1842年果陣呢個位置正正就係九龍西1號炮台嘅所在地。而去到1854年，炮台就已經廢棄咗，取而代之就係停泊咗一艘約翰．亞當號鴉片船，但去到1884年就忽然起火燒燬。而差唔多時候，其實政府就想將原先炮台遺址改建做水警總部大廈，並且喺同年9月落成樓高2層嘅建築物，其後就因為需求陸續加建。值得一提囓係，水警總區總部曾經被日軍佔領，並且喺內部開挖過兩條隧道。

睇到嚟呢度，唔少史友們應該睇到呢座建築物確實全1884年建成，咁點解又唔係叫做1884呢?負責改建同埋活化嘅果個集團就曾經回應過，佢哋就表示1881年係水警總部主體大樓奠基年份，所以就咁樣採用，都真係估佢唔到

原圖嚟自網絡