【講開有段故】「福佬村道」命名 同有好多福建人有關？

繼續同史友們介紹一啲香港嘅特色街名，行出行入九龍城，唔知史友們又有冇聽過喺賈炳達道同埋太子道之間，有一條叫做「福佬村道」呢？今次阿史就同大家介紹下啦！

「福佬村道」個名就聽落幾奇怪，但原來係同呢個區域嘅福建人有關！早喺1920年代「福佬村道」都仲未開發嘅時候，呢個區域就已經有幾百個嚟自福建及廣東海陸豐縣嘅人喺呢度居住。而當時凡係嚟自呢幾個地方嘅人，都會被稱為「福佬」，由於大部份都係「福佬」，所以叫下叫下呢個區域就變咗做「福佬村」喇！

時間去到1930年代，九龍城區就開始發展，福佬村亦都因為市區發展而拆遷並改建成道路。而政府為咗紀念以前呢度有條「福佬村」，於是就將條路叫做「福佬村道」，而喺「福佬村道」轉角位置，仲有保留住一塊大理石，原先係寫係「福佬村」，但因為為侵蝕搞到得返「福老村」，真係歲月嘅痕跡啊！

原圖嚟自網絡