唔知史友們响香港有無聽過一啲學校，係有「五邑」呢兩個字。可能有啲史友唔太清楚五邑係乜，其實係廣東一個地方。咁即係邊度呢？

答案就係：江門地區喇！五邑其實係指江門市新會區以及四個縣級市，即台山、開平、恩平、鶴山，合稱五邑。邑响以前係縣嘅意思，不過响過往就有只有四邑，因鶴山以往係分屬新會同開平，所以响老一輩人同海外華僑有啲會叫慣四邑。另外，以往台山係叫新寧。

有趣嘅係，江門响歷史上，曾經係轄屬新會縣，後嚟江門設市同新會分開，再後嚟新會市成為江門市一個區。據講，新會人就唔會話自己係江門人，阿史都唔知係唔係，有無祖籍江門同新會嘅史友講解下呢？

原圖：網絡