青馬大橋、藍巴勒海峽橋之前阿史都同史友們介紹過,呢兩條橋建成初時都係一啲好龐大、甚至喺國際間都頗有名氣嘅基建工程。而講到出名嘅橋,阿史就即時諗起一條曾經係全球最長、可以畀車輛同埋鐵路兩用嘅斜拉式橋樑,唔知史友們就咁睇圖又認唔認得出係邊條呢?

揸開車嘅史友可能已經估到,冇錯喇,呢條就係汲水門大橋喇!呢條橋係8號幹線青嶼幹線嘅一部分,所有之處就係跨越汲水門,連接住馬灣同埋青洲仔半島,係畀車輛直接通往機場嘅重要橋樑之一。汲水門大橋就喺1992年動工興建,當年就一共用咗港幣16億左右,建成呢條主跨長430米嘅大橋。

剛才都有提到,呢條橋係採用雙層設計,喺建成初時係全球最展嘅行車同埋鐵路兩用斜拉式橋樑,後來2000年厄勒海峽大橋建成之後,呢個紀錄就被打破。呢條橋單單係橋塔高度就已經去到150米,用上嘅拉索接近100條,外觀嚟講真係相當壯觀。而一點可能只有住喺馬灣嘅市民比較有感受,就係汲水門大橋雖然有一部分喺馬灣,但下層其實只係可以直通青馬大橋而唔可以往返馬灣。如果想喺機場返去馬灣,就只有兜個圈先可以返去喇!

原圖嚟自網絡