日本東北部發生黎克特制9級大地震

又到3月11日嘅呢一分鐘，就算隔咗十年提起呢組數字，相信大家都依然印象深刻，喺十年前嘅今日，日本嘅東北部就發生咗一場自有觀測以嚟最嚴重嘅黎克特制9級大地震。

喺2011年3月11日嘅2點46分，日本宮城縣牡鹿半島東南偏東130公里嘅太平洋海域就發生9級大地震伴隨住地震而嚟嘅正係龐大嘅海嘯以及餘震，令到日本東部地區好似北海道、關東等受到巨大嘅破壞。據當時嘅報導同埋現場相片，海嘯高度基本都超過3公尺，而東北地區沿海嘅島縣、宮城縣、岩手縣仲出現高度達到10公尺嘅海嘯，由宮城縣去到岩手縣嘅城鎮大部分都被摧毀。直至2019年嘅統計，呢次嘅災害至少造成18,430人罹難以及行蹤不明，經濟損失更加係難以估計。

唔單止咁，呢次大地震亦都導致福島第一核電站事故，喺國際核事件分級表被歸類為最嚴重嘅特大事故，至今應對核事故嘅措施都仍然進行緊。