港龍航空創辦人曹光彪逝世享年100歲

根據廣大媒體報導，尋日就有一位對香港航空同紡織業都好重要嘅人物逝世，呢位人物就係港龍航空創辦人曹光彪。

曹光彪1920年出生於上海，佢曾經有過好多重嘅身份，就好似國務院港事顧問、香港特別行政區第一屆政府推選委員會委員等等，但講到最為人所熟悉，當然就係佢從商嘅經歷。曹光彪係著名嘅紡織企業家，喺內地同香港都有唔少出名嘅企業，就好似「香洲毛紡廠」、「南海毛紡廠」，亦都係因為咁而被為「香港毛紡大王」。

提起曹光彪先生，絕對就離唔開港龍航空。港龍航空嘅前身就係「港澳國際投資公司」，喺香港回歸之前，其實英資公司國泰獨自擁香港航權，之但係呢個時候曹光彪先生就仔細咁去睇《基本法》條文，就發現回歸之後香港嘅航空權係會歸返香港所有，於是就佢睇準機會，打算成立航空公司打破英資壟斷。就係咁樣，佢聯同包玉剛、霍英東，夥同中資機構華潤、招商局創辦港龍航空，喺幾十年之間由只有一架飛機發展到有幾十架飛機、多條航線嘅公司，去到2006年就被國泰全面收購。