繼續同史友們介紹香港嘅一啲特色街道，如果同大家提到「永安街」，唔知史友們腦海入面會浮現到邊一條呢？可能比較多人會諗到中環嘅「永安街」，但唔講真係未必知，香港大大話話都有三條「永安街」，大家又估唔估到另外兩條喺邊度呢？

先介紹下第一條位於中環嘅「永安街」。呢條街道以往連接住皇后大道中同埋德輔道中，但就因為重建嘅關係而拆遷，大概嘅位置就係位於依家中環中心一帶。街道上以往就有唔少小販檔，都係以販賣花布為主，所以又叫做「花布街」。

而第二條同埋第三條嘅「永安街」都唔係位於市區嘅，一條就係位於離島區嘅坪洲，屬於島上嘅最主要嘅商店街；而另一條就係位於大澳嘅，同樣都係當區嘅主要街道，唔知大家又去過未呢？

原圖嚟自網絡