作為文明古國之一嘅埃及,歷年嚟都有唔少重要嘅考古發現,而近排埃及嘅古物部就公布咗喺埃及西部沙漠(Western Desert)發現咗一座基督教遺跡。

其實喺埃及嘅西南方沙漠4世紀到8世紀都有人居住,有遺址就未必係太出奇,咁呢座基督教遺址有咩特別呢?據呢次考古團隊嘅發掘,就喺巴哈利亞綠洲(Bahariya Oasis)搵到好多個用玄武岩打造嘅建築物,有啲部分仲要身處喺基岩之中,再用泥磚打造,真係好考技術。

而再具體睇落去,呢個建築群就分成六個區域,當中就有3個教堂同埋僧侶嘅房間,建築內部仲有保留住塗鴉以及科普特文字、宗教銘文同埋希臘文寫嘅聖經章節,令後世有機會了解到西元5世紀嘅僧侶社群生活。

原圖嚟自網絡