中國兩位高級外交官員响中美高層戰略對話中不亢不卑,表現出眾,贏盡國民掌聲,連帶有關中央外事工作委員會辦公室主任楊潔篪同外交部長王毅嘅報道都出現咗唔少,當中就有人掘出王毅學生時代嘅相,嘩!真係不得了!

呢張相係王毅响1981年拍攝嘅,出生於北京市嘅佢,响1969年中學畢業後成為知識青年,去咗黑龍江省黑河地區插隊。1977年全國恢復高考,佢就考入咗北京第二外國語學院攻讀日語,仲成為日語二班班長,由於响校內表現出色,响1981年獲學校評為「三好學生標兵」,而呢張相就係頒獎個陣影嘅。

原圖:網絡