老布殊叫楊潔篪做「老虎」？

上次分享咗外長王毅以前做「三好學生」嘅事，今次就想講講中共中央外事工作委員會辦公室主任楊潔篪。有內地網民就話楊潔篪嘅表現，就好似同美國班外交官員上咗堂課，因為楊潔篪嘅外交生涯同美國太有關係，就好似前輩對住後輩咁。

呢個講法係咪太誇張就等史友自行判斷，不過楊潔篪的確係一位「美國通」，响佢嘅外交生涯中，好多職位都係同美國事務有關，好似佢响就做過任中國駐美國大使館秘書、外交部部長助理兼外交部北美大洋洲司司長、副部長。响出任外交部常務副部長同外交部長之前，佢就响2001年出任中國駐美國大使。

另外，楊潔篪最為熟悉嘅就係同布殊一家私交甚篤。早响七十年代，楊潔篪响外交部翻譯室工作個陣，就結識咗當時出任美國駐華聯絡辦事處主任嘅老布殊。根據老布殊回憶錄所講，當年佢個仔喬治布殊經常到北京度假，中國外交部就派咗一個後生仔做佢哋一家嘅導遊，呢位後生仔就係楊潔篪。後嚟布殊仲叫楊潔篪做Tiger Yang（老虎楊），原因係楊潔篪係虎年出世，同埋佢個名個「篪」字好似「虎」字。