尋日阿史就同大家介紹到《時局圖》，呢幅警世漫畫入面就描繪咗當時中國被列強瓜分嘅慘況，咁阿史喺上篇文章都提出到一個問題，就係當時喺中國並未佔據到土地嘅美國點解會以鷹嘅形象出現喺《時局圖》當中？呢度就真係有好深嘅寓意喇！

其實喺八國聯軍一役之後，列強就更加想瓜分中國，北部多數地方都係俄國勢力範圍、德國就佔據咗遼東半島、英國就佔據咗四川貴州等十個省份，基本上都做好勢力範圍嘅劃分。而當時美國作為一個新興國家，當然都想前來分一杯羹，只係面對住呢啲老牌嘅殖民主義國家，又點會咁容易呢？

於是喺《時局圖》就用咗一個相當好嘅比喻，將當時嘅美國比喻成一隻想飛來分食嘅鷹，只係想食但食唔到，只好喺菲律賓嘅位置。而當時美國就將菲律賓從西班牙掌管中搶奪過來，《時局圖》點解會有美國就係咁嘅原因喇！

原圖嚟自網絡