理學家朱熹福建辦學？

正响福建考察調研嘅國家主席習近平去咗朱熹園參觀，了解傳統文化傳承。如果史友們中學時讀過中史，都應該會讀過宋明理學呢個課題，宋代理學大師就首推朱熹同陸九淵。講到朱熹，佢唔單止係思想家，原來仲係一位教育家。

响福建南平市武夷山，有一個朱熹園，裡面就有一間紫陽書院，呢間書院又叫武夷精舍，係朱熹响公元1183年創立。呢間書院係南宋時期最大嘅民辦書院，朱熹响呢個地方講學多年，好似蔡元定、劉火侖、詹體仁、真德秀、李閎祖等人都曾就學於此。另外，朱熹亦有响度著書立說，包括佢嘅代表作之一《四書集注》，就係响呢個地方完成。「國以民為本，社稷亦為民而立。」呢兩句名言就係出自《四書集注》。

不過，紫陽書院响公元1365年毁於戰亂，直至2000年有關方面就按清代董天工「武夷精舍圖」以仿宋古建築風格响原址重建。