尋日就同史友們介紹咗早年中國嘅神級翻譯員唐聞生，而提起唐聞生多數都會有另一個名一齊出現，呢個就係外交界「五朵金花」之一嘅王海容喇！

王海容，出生喺1938年嘅湖南長沙，計計埋埋原來佢仲係王季范嘅孫女、毛主席嘅表侄孫女，佢喺長沙讀完初中之後，就先去到北京師範大學附屬女子中學就讀，畢業之後做過一段時間工廠學徒，之後就先後去過北京師範學院俄語系、北京外國語學院進修俄語同埋英語。

去到1965年，佢就進入外交部辦公廳工作，最初就只係負責負責時任外交部長陳毅與總理周恩來嘅文電收發，後來就有做埋其他文秘工作。喺文革期間，佢就負責外交部禮賓司接待過基辛格、尼克森，甚至仲幫手做埋談話翻譯。由於喺上世紀60年代到70年代，王海容經常陪同參加國事活動，再加上王海容同埋唐聞生計計埋埋都係烈士嘅後代，所以當時都幾受關注。

而去到後來，王海容一度都被捲入政治旋渦之中，但最後都轉為主管行政後勤，任內實現咗實行福利分房，解決咗長期嘅住房問題。去到2017年9月9日，王海容在北京醫院因病逝世，享年79歲。

原圖嚟自網絡