社交媒體出現嘅時間唔算長，亦都唔算短，但就改變咗好多人嘅生活，以往阿史就同大家介紹咗第一條youtube影片，而近日就有一單新聞係關於Twitter嘅，阿史就想同大家分享下。

事源就係社交網站Twitter創辦人多爾西（Jack Dorsey）早前就以「非同質化代幣」嘅方式公開拍賣佢喺2006年3月21日發布、史上第一條嘅Twitter帖文。可能史友們諗都冇諗過，原來史上第一條嘅帖文竟然就係「just setting up my twttr」，而呢句亦都標誌住呢個全球其中一個廣受歡迎嘅社交平台誕生。

言歸正傳，既然係講緊拍賣，咁到底呢次拍賣又有咩結果呢？呢次拍賣最終就由一位買家以291萬美元投得，而呢位買家仲表示，「我覺得再過幾年，人們會意識到那則帖文的真正價值，正如同名畫《蒙娜麗莎》一樣」，認真有趣啊！

原圖嚟自網絡